കുട്ടികളികൾ
അല്പമൊക്കെ വളർന്നപ്പോൾ തനിയെ അടുത്തുള്ള തറവാട് വീട്ടിലും കിഴക്കേ വീട്ടിലും കളിക്കാൻ പോകാനുള്ള സ്വാത്രന്ത്രം ഒക്കെ നേടിയിരുന്നു, വീട്ടിലെ ശല്യം സഹിക്കാതെ പറഞ്ഞു അനുവദിച്ചു തന്നതാണെന്നും പറയാം
പ്രധാനമായും ഉണ്ണിപ്പൂര ഉണ്ടാക്കലും, പച്ചിലയും ഇഷ്ടിക പൊടിയും ചേർത്തുള്ള പ്രത്യേക പാചകങ്ങളും ഒക്കെ ആയിരുന്നു കുട്ടികളികൾ,
ചിരട്ട പുട്ടു എന്നും ഉണ്ടാക്കും, അത് ഉണ്ടാക്കാൻ വലിയ ബുദ്ധിമുട്ടു ഒന്നും ഇല്ലല്ലോ, വലിയ കുട്ടികൾ കോട്ടി, കുഴിപ്പന്തു കളി, നൂറാം കോല് തുടങ്ങിയവ കളിക്കുമ്പോൾ അടുത്തിരുന്നു കാണും, പഠിക്കും,
വലിയ വലിയ കോട്ടി കളിക്കാർ കീശ നിറയെ കോട്ടി നിറച്ചു ഗമയിൽ പോകുന്നത് കാണാം, ബട്ടൺ പോയ നിക്കർ ഊർന്നു പോകാതിരിക്കാൻ ഇറുക്കി കെട്ടിയിട്ടുണ്ടാവും
കുറച്ചു വളർന്നപ്പോൾ കള്ളനും പോലീസും പാമ്പും കോണിയും ഒക്കെ ഞങ്ങളുടെ അവധി സമയങ്ങളെ ഉല്ലാസകരമാക്കി
പെൺകുട്ടികൾ അതികം അഞ്ചാം കല്ല് കൊച്ചംകുത്തി, പുളിങ്കുരു കൊണ്ടുള്ള കളി ഒക്കെ ആയിരുന്നു
രാത്രി മദ്രസ / സ്കൂൾ പുസ്തകങ്ങൾ വായിച്ചെന്നു വരുത്തി പിന്നെ വിളക്കത്തു കളിയാണ്, പേപ്പറിൽ പുക പകർത്തലും , പേപ്പർ ചുരുട്ടി ബീഡി വലിയും ഒക്കെ നടക്കും, അവസാനം കൈ പൊള്ളിയാലെ നിറുത്തു, ഒരിക്കൽ വിളകത്തു കളിച്ചു പൊള്ളിയതിന്റെ അടയാളം ഇപ്പോഴും വയറ്റത്ത് ഉണ്ട്
ചിമ്മിനി വിളക്കുകളാണ് അതികം, അതും ഉമ്മ ഉണ്ടാക്കിയത്, റാന്തൽ വിളക്ക് ഒന്നേ കാണു
വൈകുനേരം ആകുബോഴേക്കും അതിന്റെ ചില്ലു തുടച്ചു മണ്ണണ്ണ നിറച്ചു കത്തിച്ചു വെക്കും, കാറ്റു വീശിയാൽ മറ്റു വിളക്കുകൾ കണ്ണടച്ചാലും റാന്തൽ വിളക്ക് അണയാതെ നില്കും
രാത്രി ഒൻപതു / പത്തു മണിയാകുമ്പോൾ ഉപ്പ കട അടച്ചു വരുമ്പോൾ ഹൈദർക്ക പെട്രോമാക്സ് കൊണ്ടുവരും ,
ഞാൻ മിക്കവാറും അവര് വരുന്നതിന്റെ മുൻപ് ഉറങ്ങികാണും, ഉറങ്ങിയില്ലങ്കിൽ പെട്രോമാകസിന്റെ മുന്നിൽ ചമ്രം പടിഞ്ഞിരിക്കും കൂട്ടിനു കുറെ വണ്ടുകളും കാണും
ഇന്നലയുടെ സ്മരണകൾ (ഭാഗം 5 )
സിദ്ധിക്ക് എ പി
Comments
Post a Comment